so griaseich alle miteinanda! bin jetz seit 2,5 wochn in reykjavik und wohn im guesthouse odin in der odinsgata 9. die uni hat glei vollgas angfangt und se spannen mi ordentlich ein. es is alls auf isländisch und i versteh gar nix. schlaf deswegn a öfters ein. aber mei des passiert halt. es lebn da is echt fein und die leit de i beim sprachkurs kennenglernt sein echt nett und i hab fast zuviele möglichkeiten mei zeit zu verbringen. also kurz gsagt i habs echt fein. oben des foto is no von nupur. des is a no von nupur. da ham ma a ordentliche crossdress party gmacht. sehr witzig. des rechts von mir is der flo, a wiener bazi, und ganz rechts is der gabriel a arzler. war echt lustig und i war wieder mal a hoaßes mädl. die wimperntusche oazukriegn war a ziemlicher pain in the ass. 
des is mei klass vor unserer schul. ganz links steht die sipa unsere lehrerin und i der oberstreber glei danebn. 
die nächsten 4 fotos sein alle von der rückfahrt nach reykjavik in bolungarvik. a eigenartiges dorf. sehr nett und beschaulich aber keine menschen weit und breit.
des is der sonneuntergang quasi aus meim küchenfenster. fesch ha? 
i wohn ja mit 9 mädels zam und a paar davon hab i dann glei am erstn abnd bekocht. an fettn schweinsbratn hats gebn. ordentliche 3 kg hat er ghabt und es is alls weggangen. sehr fein wars und i habs genossen endlich amal was gscheid zu kochn. nächstn FR also übermorgen werd i wahrscheinlich wieder was kochn. also i hab die FR tradition scho wfast eingführt. 
des is mei klass bei am ausflug zu unserem bauplatz. thingvellir hoasts dort. des is der platz wo die eurasische platte und die amerikanische platte auseinanderdriften. is echt a spannender platz. unsere aufgabe is vom boden von dem riss a konstruktion de aufs cliff aufigeht zu entwerfen. hab heut die erste zwischnpräsentation ghabt und es is guat ankemmen. fein. 
mei idee is den spalt der sich auftuat ( 2cm im jahr) möglichst frei zu halten um das foto für die touristen möglichst frei zu haltn. die gegend um den wasserfall sollt a möglichst unberührt bleibn. dafür schneid i ca. 30m vom wasserfall rechtwinklig zum spalt ins cliff a rampe rein. sollt dann ungefähr so aussschaun.
ja , des wars dann wieder mal von mir. hoff das i jetzt wo schen langsam wieder die normalität in mei lebn einkehrt wieder mehr zeit hab zum bloggn und zum skypn usw. hab jetz a a isländisches telefon. die nr. lautet:+354/6967752 also schickts ma mal a sms oder so.
pfiat eich daweil
mojo
Keine Kommentare:
Kommentar veröffentlichen